އިސްލާމީ އުއްމަތަށް ޣައްދާރުވެ، އެމެރިކާގެ ހަނގުރާމަވެރި އުޅަނދުތައް ރާއްޖޭގެ ވައިގެ ސަރަޙައްދު ބޭނުންކުރުމުގެ ހުއްދަ މިއަދު ދީފި

ޔަމަނާއި އީރާނަށް ދެކޮޅަށް އެމެރިކާއިން ހިންގަމުންދާ ހަމަލާތަކުގެ ތެރޭގައި އެޤައުމުގެ އަސްކަރީ މަތިންދާބޯޓުތަކަށް ދިވެހިރާއްޖޭގެ ވައިގެ ސަރަޙައްދު ބޭނުންކުރުމުގެ ހުއްދަ ދިވެހި ސަރުކާރުން މިއަދުވަނީ އެމެރިކާއަދި އެމެރިކާގެ ބައިވެރިންނަށް ދީފައެވެ. މި ނިންމުމާ ގުޅިގެން ރައީސް މުޙައްމަދު މުޢިއްޒަށް ދެފުށް ފެންނަ ސިޔާސަތެއް ގެންގުޅޭކަމަށާއި އިސްލާމީ އެއްބައިވަންތަކަމަށް ޚިޔާނާތްތެރިވެއްޖެކަމަށް ބުނެ ގިނަ ރައްޔިތުން ފާޑުކިޔަމުންދެއެވެ. މުއިއްޒަކީ އުންމަތައް ގައްދާރެކޭވެސް ބުނެވިދާނެއެވެ. 

 

 

އެމެރިކާގެ އަސްކަރިއްޔާ ރާއްޖޭގެ ސަރަހައްދަށް ވަނުމަށް ހުއްދަ ހޯދުމަށް ސިވިލް އޭވިއޭޝަނަށް ފޮނުވި ރިކުއެސްޓް

ދެ ދުވަހުގެ ލަސްވުމަކަށްފަހު ނިންމި މި ނިންމުމުގައި ސަޢޫދީ ޢަރަބިއްޔާއިން މެދުވެރިއެއްގެ ދައުރު އަދާކޮށްފައިވާކަމަށް ބެލެވޭ ކަމަށް ރިޕޯޓުތަކުން ދައްކައެވެ. މިކަމާ ގުޅިގެން ސަރުކާރުގެ ހާމަކަން ކުޑަވާކަމުގެ ކަންބޮޑުވުން އިތުރަށް ބޮޑުވެފައިވެއެވެ. ގިނަ ދިވެހިން ވަނީ ރުޅިއައިސްފައެވެ. އަދި މުސްލިމުން ގިނަ ޤައުމުތަކަށް އަމާޒުކޮށްގެން ހިންގާ ހަމަލާތަކުގައި ދިވެހިރާއްޖެ ބައިވެރިވެގެން ނުވާނެކަމަށް ބުނެފައިވެއެވެ.

އިރާނަށް ހަމަލާ ދިނުމަށް އަރަބި ގައުމުތަކުގެ ވައިގެ ސަރަހައްދު ބޭނުންކޮށްފި ނަމަ އެގައުމުތަކަށް ހަމަލާ ދޭނެކަމަށް އިރާނުން ބުނުމުން، އެ ގައުމު ތަކުގައި ތިބި ހަމަލާދޭން ބޭނުންވާ އެމެރިކާ ސިފައިން ގެންދަނީ މިހާރު ޑިއޭގޯ ގާސިއާއަށް ގެންނަމުންނެވެ. މިގޮތުން ހުއްދައަށް އެދިފައިވަނީ ކުވައިތުގައި ތިބި އެމެރިކާގެ އެއާ މޮބިލިޓީ ކޮމާންޑް - ޑީއޯޑީ ގެ ސިފައިން ރާއްޖެ ސަރަހައްދު ހުރަސްކޮށް ޑިއޭގޯ ގާސިއާއަށް ދިޔުމަށެވެ. އިރާނަށް ހަމަލާ ދިނުމަށް ތައްޔާރު ވުމަށް ރާއްޖޭގެ ބޯޑަރު މިހެން ހުޅުވާލުމުން އިރާނުގެ ސީދާ ހަމަލާއެއް ރާއްޖެ އަމާޒު ވުމުގެ ފުރުސަތު ބޮޑެވެ. މި އިންޒާރު އިރާނުންވެސް ވަނީ ދީފައެވެ.

ރައީސް މުޢިއްޒު މި ހުއްދަ ދިނުމުގައި ރައްޔިތުންގެ މަޖިލީހުގެ އިޖުރާއާތުތައް ނުހިމަނައި، ޑިމޮކްރަސީގެ އުސޫލުތަކާ ޚިލާފަށް ކަންތައް ތަކުރާރުކޮށް މިދަނީ ކުރަމުންނެވެ. އިޤްތިޞާދީ ނުވަތަ ސިޔާސީ ފައިދާ އިސްކޮށް، ޤައުމީ އަދި ދީނީ އުސޫލުތަކަށް އިސްކަން ނުދޭކަމަށް ބުނެ، ސޯޝަލް މީޑިއާގައި މުޢިއްޒުއަށް "މުނާފިޤެއް" ގެ ގޮތުގައި ސިފަކޮށް ތުހުމަތު ކުރަނީ މިހެންވެއެވެ.

ރައީސް މުޢިއްޒު އަބަދުވެސް އޭނާގެ އަމިއްލަ ނަފްސު ދީންވެރި ވެރިއެއްގެ ގޮތުގައި ދައްކުވައިދެމުން އައި ނަމަވެސް، މި ނިންމުމާ ގުޅިގެން ރައްޔިތުންގެ މެދުގައި އޭނާގެ އިތުބާރު ބޮޑަށް ގެއްލިގެން ދާނެއެވެ. އޭނާގެ ޢަމަލުތައް ހުރީ އިސްލާމީ އެއްބައިވަންތަކަމާ ބެހޭގޮތުން އޭނާ ދައްކާ ވާހަކަތަކާ ފުށުއަރާ ގޮތަށެވެ. އަދި ބައެއް މީހުން މިކަން ސިފަކުރަނީ ރައްޔިތުންގެ އިތުބާރަށް ޚިޔާނާތްތެރިވުން ކަމުގައެވެ.