މަގޫދޫ އެެއާޕޯޓުގެ މަސައްކަތް ހުއްޓާލީ، މުއިއްޒު ކޮއްކޯފުޅު ހޮވަން ވެގެން ނިލަންދޫއަށް އެ އެއާޕޯޓު ބަދަލުކުރަން.

ނިލަންދޫ އެއާޕޯޓު އެޅުމުގެ އަމަލީ މަސައްކަތަށް ބޭނުންވާ ފައިސާ މި އަހަރު ބަޖެޓުކޮށްފައި ނެތްނަމަވެސް، ނިލަންދޫ ރައްޔިތުންނަން ދަނީ އެއާޕޯޓުގެ ދަޅަދައްކަމުންނެވެ. އެތައް ދިރާސާއެއް ކުރުމަށްފަހު ކުރީ ސަރުކާރުން ފާފުއަތޮޅުގައި އެއާޕޯޓު އަޅަންނިންމާފައި ވަނީ ފ އަތޮޅު މަގޫދޫގައެވެ.

މަސައްކަތް %70 ނިމިފައިވަނިކޮށް, ފ.މަގޫދޫގައި އަޅަމުންދާ އެއަރޕޯޓުގެ މަސައްކަތް ސަރުކާރުން ހުއްޓާލުމާއި ގުޅިގެން ފ. މަގޫދޫގެ ރައްޔިތުން މުޒާހިރާ ކުރަން ފަށައިފިއެވެ. ފ. މަގުދޫގައި ރައީސް ސާލިހުގެ ސަރުކާރުން އަޅަންފެށި އެއަރޕޯޓުގެ މަސައްކަތް މިސަރުކާރުން ހުއްޓާލީ, އެރަށާއި ކައިރީގައި އޮން ފ. ނިލަންދޫ ދާއިރާއަށް ވާދަކުރަމުންދާ, މުއިއްޒުގެ ކޮއްކޮ ފާތުމަތު ސައުދާއަށް ވޯޓު ހޯދުމުގެ ބޭނުމުގައި ފ. ނިލަންދޫގައި އެޅުމަށް ހަމަޖެހިފައިވާ އެއަރޕޯޓު އެޅުމަށް ބޭނުންވާ ބިން ހިއްކުމުގެ މަސައްކަތް ކުރިޔަށް ގެންދިއުމަށެވެ.

ފ. ނިލަންދޫގައި އަޅާ އެއާޕޯޓަށް ބޭނުންވާ ބިން ހިއްކުމުގެ މަސައްކަތް އެމްޓީސީސީއާ އިއްޔެ ވަނީ ހަވާލުކޮށްފިއެވެ. މިމަސައްކަތް އިއްޔެ އެމްޓީސީސީއާއި ހަވާލުކުއިރު, ރައީސް ޑރ. މުހައްމަދު މުއިއްޒުގެ އެއްބަނޑު ކޮއްކޮ ފާތުމަތު ސައުދާ ރައްޔިތުންގެ މަޖިލީހަށް ވާދަކުރައްވަނީވެސް އެދާއިރާއަށެވެ. އަދި އޭނާ ގެންދަވަނީ އެ ދައިރާއަށް ވާދަކޮށް ކެމްޕެއިންވެސް ކުރަމުންނެވެ.

ނިލަންދޫގައި އެއާޕޯޓް އެޅުމަށް ބޭނުންވާ ބިން ހިއްކަން ފަށާފައި މިވަނީ މަގޫދޫ އެއަރޕޯޓުގެ މަސައްކަތް ހުއްޓާލުމަށްފަހު, އެއަރޕޯޓު އެޅުމަށް ބޭނުންކުރަމުންދިޔަ ހުރިހާ ސާމާނެއް ފ. ނިލަންދޫއަށް ގެންދިއުމަށްފަހުއެވެ.

މަގޫދޫ އެެއާޕޯޓުގެ %70 މަސައްކަތް މިވަނީ ނިމިފަ

“ދިޔަވަރު އޮންލައިން”އަށް މައުލޫމާތުދިން ޕީއެންސީގެ އިސް އޮފިޝަލަކު ވިދާޅުވެފައިވަނީ އެމަސައްކަތް ހުއްޓާލުމަށް ރައީސް މުއިއްޒު އަންގަވާފައިވަނީ ފ. މަގޫދޫގެ ގޮނޑި ޕީއެންސީއަށް ކާމިޔާބު ނުކުރެވޭނެކަމަށް މުއިއްޒުއަށް ގަބޫލު ކުރެއްވިގެން ކަމުގައެވެ.

ފ. ނިލަންދޫގައި އަޅާ އެއާޕޯޓަށް ބޭނުންވާ ބިން ހިއްކުމުގެ މަސައްކަތުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. އަބްދުﷲ މުއްތަލިބެވެ.  އެމްޓީސީސީ އިން ސޮއިކުރެއްވީ އެ ކުންފުނީގެ ސީއީއޯ އަބްދުﷲ ޒިޔާދެވެ.

މި އެއްބަސްވުމުގެ ދަށުން  42.6 ހެކްޓަރުގެ ބިން ހިއްކުމާއި ދެ ކިލޯމީޓަރުގެ ބޮޑު ހިލަ ރިވެޓްމަންޓާއި 1.4 ކިލޯމީޓަރުގެ ޖިއޯބޭގް ރިވެޓްމަންޓް ޖެހުން ހިމެނެއެވެ. އަދި މި މަސައްކަތް އެކުންފުންޏާއި ހަވާލުކޮށްފައިވަނީ 390 ދުވަހުގެ ތެރޭގައި މަސައްކަތް ނިންމާގޮތަށެވެ. އެހެންނަމަވެސް މި މަސައްކަތް ހަވާލުކުރި އަގެއް މިނިސްޓްރީއަކުން ހާމައެއް ނުކުރެއެވެ.