މަކުނުދޫ އެއާޕޯޓު ހުއްޓާލަން ޖެހީ މޮޅުމަޅިއެއް- ބެދުނީ އެރަށު ރައްޔިތުން

އަނެއްކާވެސް އަތޮޅުތެރެ ބާކީވެ، ބިކަވާ މަންޒަރު ފެނުމުން އެކުދި އާބާދީތަކުގެ ރައްޔިތުންނާއި ދޭތެރޭ ޙަމްދަރުދީވެއެވެ. ސަރުކާރުތަކުން ހަމައެކަނި ބޮޑެތި އާބާދީތަކާއި ހާއްސަކޮށް މާލޭ ސަރަހައްދު ތަރައްޤީ ކުރުމުގެ ސިޔާތަކަކީ އަބަދުވެސް އަހަރުމެން ދެކޭ އަދި އެކަމާއި ދެކޮޅަށް ވަކާލާތުކުރަމުން އަންނަ ބޭއިންސާފު ސިޔާސަތެކެވެ. އަޅުގަނޑުމެން އެންމެން ހަމަ ޤަބޫލުކުރަން ޖެހެއެވެ. ޓެކްސް ދެއްކުމުގައި ނެތް ތަފާތެއް އަސާސީ ޙިދުމަތްތަކާއި ތަރައްޤީ އަދި ވަކިން ހާއްސަކޮށް ޒަރޫރީ ބޭނުންތަކުގައި ތަފާތުކުރެވި އިހުމާލުވެވިގެން ނުވާނެއެވެ. 

"އޭ މިހިރަ ދިދަޔާއެވެ". ހދ މަކުނުދޫގައި އެއާޕޯޓު އެޅުމަށް ހިއްކަމުން ގެންދިޔަ ޕުރެޖެކްޓް ހުއްޓުމަކަަށް ގެނެސް، ރަށުގެ އެންމެން އެއްބަސް ވަންދެން ހުއްޓުވާފައި ބޭއްވުމަކީ މިސަރުކާރުގެ ސިޔާސަތަކީ ތޯއެވެ. އެއާޕޯޓު އަޅާނެ ސަރަހައްދު ކަނޑައަޅާ، އީ.އައި.އޭ ހަދާ ހިއްކުމުގެ ބޮޑުބައި ނިމިފައި އޮށްވާ، ތިޔަ ހިންގަނީ ހުތުރު ޖަރީމާއެކެވެ. ޑރ ތިޔައުޅުށްވަނީ ރައްޔިތުންގެ ތެރެއިން ބަޔަކާއި ހުރެ އެއާޕޯޓު ނޭޅުނީއޭ ބުނަން ތޯއެވެ. ރާއްޖޭގެ އެހެން ރަށްތަކާއި އެކަހެރިކޮށް އޮންނަ މަކުނުދޫއަށް ތަހައްމަލު ކުރަމުން އަންނަ އެއްމެ ބޮޑުތަކުލީފަކީ އެކަހެރިފައި އޮންނަ އޮތުމެވެ. ރަށުބަންދުން ވީލިނުގަނެވިފައި އޮންނަ އޮތުމެވެ.

ސަރުކާރުތަކުން އެއްމެ އެކަށޭނެ އަޅާލުމެއް ނުދީ މިރަށް އޮންނަ ސަބަބަކީ ކުޑަ އާބާދީއަކަށްވުންކަމީ ޔަޤީންކަމެކެވެ. ނަމަވެސް،  މިސަގާފަތް ބަދަލުކޮށް ތަފާތު ދެއްކެވީ ރައީސް އިބްރާހިމުގެ ވެރިކަމުގައިއެވެ. ކުޑަރަށެއް ފަރަގެއް ނުކުރެއެވެ. އަސާސީ ހިދުމަތުގެ ވައުދެއްވެސް، އެހަރަދެއްވެސް ދެނެއް ދައުލަތަކުން ކުރާކަން ނުޖެހޭނެއެވެ. މިގޮތުން މަކުނުދޫގައިވެސް ވަނީ އަސާސީ އަދި ތަރައްގީގެ ގިނަމަސްރޫތަކެއް ހިންގާފައެވެ. ފެނާއި ނަރުދަމާ އާއި ކަރަންޓު އަދި ޒުވާނުންނާއި ގުޅުންހުރި އެތައްކަމެކެވެ. އެއްމެ އުފާވެރިކަމެއް މިރަށު ރައްޔިތުންނަން ލިބުނީ މަކުނުދޫ އެއާޕޯޓުގެ މަސައްކަތް ރަސްމީކޮށް ފަށާއި އެއާޕޯޓަށް ބޭނުންވާ ބިން ހިއްކަންފެށީމައެވެ. އިބޫއަކީ އަތޮޅުތެރެއަށް ހެޔޮވެރިއެއްކަން މިހާރު އެއްމެނަށްވެސް ފަހުމުވާނެކަމަށް އެރަށުން ޒުވާނަކު ދޮންއަމާއަށް މައުލޫމާތު ދެމުން ބުންޏެވެ. 

މިސަރުކާރުގެ ޕުލޭނުުގައި އޮތީ 5 ސަރަހައްދަކަށް ރާއްޖެ ބަހާލައިގެން ތަރައްގީ ކުރުންކަމަށް ޑރ މުއިޒު ތަކުރާކޮށް ދަނީ ވިދާޅުވަމުންނެެވެ. އަދި އެ ސަރަހައްދު ތަކަކީ ކޮބައިކަން އިއުލާނުކުރާނީ މަޖިލީސް އިންތިހާބައް ފަހުއެވެ. އަޅުގަނޑުމެންގެ ނަޒަރުގައި ފަސް ސަރަހައްދަކީ މާލެ، ފުށިދިއްގަރު ފަޅު (ރަސްމާލެ)، ހުޅުމާލެ ފޭސް -2، ހުޅުމާލެ ފޭސް 3، އަދި ގުޅީފަޅެވެ. 

ސަރުކާރުން އަތޮޅުތެރޭގެ ގިނަ ޕްރެޖެކްޓުތައް ހުއްޓުވާލާފައި އޮތީ މަޖިލީސް އިންތިހާބަށް ފަންޑު ލިބޭގޮތައް އެއްބަސް ނުވެވިގެން ކަމަށް ރަށްރަށުގެ ހޮޅުއަށިތަކުގައި ކިޔަނީކީ މަދަކުންނޫނެވެ.