މާލޭގެ ރައްޔިތުން "ރަސްމާލެ"އަށް ނޫނެކޭ ބުނެފި

މާލޭގެ މޭޔާރ އިންތިހާބު ބައި-އިލެކްޝަން 2024ގެ ނަތީޖާއިން މާލޭ ރައްޔިތުން "ރަސްމާލެ"އަށް ނޫނެކޭ ބުނެފިއެވެ.

"ރަސްމޭލެ"އަކީ މިވަގުތު ސަރުކާރު ހިންގާ ޕާޓީ ޕީ.އެން.ސީއިން ވެރިކަމަށް އައިސް އިއުލާން ކުރި އެންމެ ބޮޑު ބިޔަ މަޝްރޫއެވެ. މާލެގެ ރައްޔިތުންނަށް ޙާއްސަކޮށް ފުށިދިއްގަރު ފަޅު ހިއްކާ ތަރައްޤީ ކުރުން އެއީ ރައީސް މުއިޒް އިސްކަމެއް ދެއްވައިގެން ކުރަން ފެއްޓެވި މަސައްކަތެވެ.

ޕީއެން.ސީގެ ފަރާތުން މޭޔާ އިންތިހާބުގެ ބައި އިލެކްޝަންގައި ވާދަކުރެއްވި އާޒިމާ ޝުކޫރުގެ ކެމްޕެއިންގައި އެންމެ ގަދައަށް ދެއްކެވި ރަސްމާލެގެ ވާޙަކަ މާލޭގެ ރައްޔިތުންނަށް ކަމު ނުދިޔަކަން އެގިގެން މި ދިޔައީ މިއަދު ބޭއްވުނު މޭޔާ ބައި އިލެކްޝަން އިންތިހާބުގެ ގޮނޑި އިދިކޮޅު އެމް.ޑީ.ޕީއަށް ކާމިޔާބު ކުރުމުންނެވެ.

އެމް.ޑީ.ޕީގެ ކެނޑިޑޭޓް އާދަމް އާޒިމްގެ ކެމްޕެއިންގައި އެބޭފުޅާ ވިދާލުވީ ރަސްމާލެ ކަމުނަދާ ނަމަ އަޅުގަނޑު ހޮވައިދިނުމަށެވެ. އެ ބޭފުޅާ ބޮޑު އަޤްލަބިއްޔަތަކުން މި އިންތިހާބް ކާމިޔާބު ކުރެެއްވުމަކީ ހަގީގަތުގައި މާލޭ ރައްޔިތުން ރަސްމާލެއަށް ނޫނެކޭބުނުމެވެ.

އިދިކޮޅު އެމ.ޑީޕީއިން މި އިންތިހާބް ކާމިޔާބު ކުރެއްވީ މާލެ ސިޓީއަށް މުއިއްޒް އެތަށް ކަމެއް ކޮށްދެއްވަމުން ގެންދަވަނިކޮންނެވެ.