މުއިއްޒަށް 30 އައިފޯން ސްމަގްލް ކުރަން އުޅެނިކޮށް ނަރީޝާއި މުބީން އަތުލައިގަނެފި: ފިލީ ކަސްޓަމްސް އޮފިސަރުންނަށް ބިރުދައްކައިގެން

ރައީސް ޑރ. މުހައްމަދު މުއިއްޒުގެ ގާތްތިމާގެ މީހުންނާ ރައްޓެހިންނަށް ބަހަން ދުބާއީއިން ރާއްޖެއަށް 30 އައިފޯން ސްމަގްލްކުރަން އުޅެނިކޮށް ޑެޕިއުޓީ މޭޔަރ އަހުމަދް ނަރީޝާއި ރީޖަނަލް އެއާޕޯރޓްސްގެ މެނޭޖިންގ ޑިރެކްޓަރ އަހްމަދު މުބީން އަތުލައިގަތުމުން ކަސްޓަމް އޮފިސަރުންނަށް ބިރުދެއްކުމަށްފަހު ފިލައިފިއެވެ.

ނަރީޝާއި މުބީން މުއިއްޒުއަށް މި ސްމަގްލިންގ އޮޕަރޭޝަން ޖައްސާދިނީ އައިފޯން 16 ބާޒާރަށް ނެރުނނުތާ ދެތިން ދުވަސްތެރޭގައެވެ.

ފޯން ގަންނަން ރައްޔިތުންގެ ޓެކްސް ފައިސާއިން ވީއައިޕީ ފެންވަރުގަ ދުބާއީއަށް ދިޔައީވެސް ނަރީޝާއި މުބީންއެވެ.

ފޯންތައް ހިފައިގެން ރާއްޖެއަށް އެތެރެވިތަނުން ކަސްޓަމްސްއިން ވަނީ 30 އައިފޯންއާއެކު ނަރީޝާއި މުބީން އަތުލައިގެންފައެވެ.

އަދި އެ ފޯންތައް ހިފެހެއްޓުމުން މިއީ ރައީސް ހަދިޔާއަށް ބަހަން ގެނައި ފޯންތަކެއް ކަމަށާ ޑިއުޓީ ނަގަންއުޅޭނަމަ ރައީސަށް އެކަން އަންގާ، ވަޒީފާއިން ވަކިކުރާނެ ކަމަށްބުނެ މި ދެ މީހުންވަނީ އާދައިގެ ކަސްޓަމްސް އޮފިސަރުންތަކަކަށް ބިރުދައްކާފައެވެ.

މުއިއްޒު ހަދިޔާއަށް ބަހަން ގަތް އައިފޯންތަކުގެ އަގު އެންމެ ކުޑަކޮށްވެސް 30000 ޑޮލަރަށް އަރާނެއެވެ.