ނިހާނަށް ކުރާ މަނީ ލޯންޑަރިން ތުހުމަތުތައް އަނބުރާ ގެންދިޔުމުގެ ޑީލަކަށް ދައުރު ނިމެންދެން އެމްޑީއެން ޝަމީމް ޕީޖީ މަގާމުގައި ބެހެއްޓުމަށް ނިންމައިފި

ނިހާނަށް ކުރާ މަނީ ލޯންޑަރިން ތުހުމަތުތައް އަނބުރާ ގެންދިޔުމުގެ ޑީލަކަށް ދައުރު ނިމެންދެން އެމްޑީއެން ޝަމީމް ޕްރޮސެކިޔުޓަރ ޖެނެރަލްގެ މަގާމުގައި ބެހެއްޓުމަށް ނިންމައިފި އެވެ. 

ނިހާނަށް ވަނީ މަޖިލީހުގައި މަގާމެއް އުފައްދައި މަޖިލީހުގެ ބިޔުރޯ ޗީފަކަށް އައްޔަން ކޮށްފައެވެ. އެއާއެކު ނިހާނަށް ކުރާ މަނީ ލޯންޑަރިންއާއި ރިޝްވަތުގެ ދައުވާތައް އަނބުރާ ގެންގޮސްފައިވެއެވެ. އޭގެ ބަދަލުގައި މި ދައުރު ނިމެންދެން ޝަމީމަށް ޕީޖީގެ މަގާމުގައި ހުރެވޭ ގޮތަށް ވަނީ ޑީލެއް ހަދާފައެވެ. 

ޝަމީމަކީ މިހާރު ސަރުކާރުގައި ތިބި މީހުން މީގެ ކުރިން އެންމެ ނުރުހުންވާ އެކަކެވެ. އޭގެ ތެރޭގައި އެމްޑީއެން ރިޕޯޓުގެ މައްސަލާގައި ޝަމީމްގެ އިސްތިއުފާއަށްވެސް މި ސަރުކާރުގެ މީހުން އޭރު ވަރަށް ބޮޑަށް ގޮވާލާފައިވެއެވެ. 

އެހެންނަމަވެސް ވެރިކަމުގެ ހުވާ ކުރުމަށްފަހު ހަ މަހަށް ވުރެ ގިނަ ދުވަސްވީއިރު ވެސް ޝަމީމް މަގާމުން ދުރުކޮށްފައެއް ނުވެއެވެ. އެކަމާ މެދު ޕީއެންސީގެ ގިނަ ބަޔަކު އަންނަނީ ނުރުހުން ފާޅު ކުރަމުންނެވެ.