ޕީޕީއެމް އުވާލަން ނިންމީ ޔާމީނާ ޖެއްސުމަށް - ވިދާ ކޮންމެ އެއްޗެއް ނުވެމެއޭ ރަނަށް!

ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އުވާލުމަށް އެ ޕާޓީގެ ކޮންގްރެސްއިން ނިންމި ނިންމުމަކީ ކުރީގެ ރައީސް އަބްދުﷲ ޔާމީނާ ޖެއްސުމަށް ކުރި ކަމެއް ކަމަށް ޕީޕީއެމްގެ އިސް މެންބަރެއް ވަނީ ބުނެފައެވެ.

މި ނޫހަށް މަޢުލޫމާތު ދެމުން، ނަންެމުން، ނަން ހާމަކުރަން ބޭނުން ނުވާ ޕީޕީއެމްގެ ކޮންގްރެސް މެންބަރަކު ބުނީ "ހިތުން އެކުރީ ޔާމީނަށް ޖެއްސުމެއް" ކަމަށެވެ. އޭނާ މި ވާހަކަ ދެއްކީ މިއަދު ޕީޕީއެމްގެ ކޮންގްރެސްއިން އެ ޕާޓީ އުވާލާ، "ވަޅުލަން" ނިންމުމާ ގުޅިގެން ޖަޒުބާތީ ހާލުގައެވެ.

"ގައިގަޑަކަށް މިއަދު މިދެވުނީ އެދުރުބެ ބޮލުގައި ޖަހާ އެދުރުބޭ ޒަމާން ދުއްވާލާފަ ކަހަލަ ކަމެއް" ކަމަށް އެ މެންބަރު ވިދާޅުވިއެވެ.

އެ މެންބަރު އިތުރަށް ވިދާޅުވި ގޮތުގައި ޕީޕީއެމްއަކީ މި ގައުމުގެ ޑިމޮކްރަސީގެ ހަޔާތުގައި މުހިންމު ޕާޓީއެކެވެ. އަދި އެއީ ބަޔަކުގެ ހިތުގެ ލޯބިން އުފެއްދި ފިކުރެކެވެ.
މި ނިންމުމާ ގުޅިގެން ޕީޕީއެމްގެ "ލޯޔަލް" މެންބަރުން ދަނީ "ރައީސް ކައްޒާބު ހިތްޕުޅަށް އެރި ކޮންމެ ގޮތެއް ވަރިހަމަ ނުވާނެ" ކަމަށް ތަކުރާރުކޮށް ބުނަމުންނެވެ.

ނިންމާލަމުން އެ މެންބަރު ވިދާޅުވީ "ވިދާ ކޮންމެ އެއްޗެއް ނުވެމެއޭ ރަނަށް، އާދެ ރައީސް ކައްޒާބަކީ ދިވެހިންނަށް ނިންމުނު ގަޅި ނިންމުމެކެވެ" މިހެންނެވެ.

ޕީޕީއެމް އުވާލުމަށް ނިންމި ނިންމުމާ ގުޅިގެން އިތުރު ކޮމެންޓެއް ހޯދުމަށް މި ނޫހުން ޕީޕީއެމްގެ އިސްވެރިންނާ ގުޅުމުގެ މަސައްކަތް ކުރިނަމަވެސް، މި ވަގުތާ ހަމައަށް އެއްވެސް ފަރާތަކުން އިތުރު ކޮމެންޓެއް ލިބިފައެއް ނުވެއެވެ.