ރައީސް މުއިއްޒުގެ ވެރިކަމާ ސިހުރުގެ ގުޅުން ބަޔާންކޮށް ކުރީގެ ސީޕީ ހުސެން ވަހީދު ސަރުކާރަށް ބޮޑު ތުހުމަތެއް ކުރައްވައިފި

ރައީސް މުޙައްމަދު މުއިއްޒުގެ ވެރިކަމާއި ސިހުރާ ދެމެދު ގުޅުމެއް އޮތްކަމަށް ދައްކުވައިދޭ ވާހަކަތަކެއް އަނެއްކާވެސް ފެންމަތިވެއްޖެއެވެ. މިކަމާ ގުޅިގެން ކުރީގެ ކޮމިޝަނަރ އޮފް ޕޮލިސް ހުސެއިން ވަހީދު ވަނީ ސަރުކާރުގެ ބޮލުގައި ނުރައްކާތެރި ތުހުމަތެއް އަޅުވާފައެވެ.

ހުސެއިން ވަހީދު ވިދާޅުވީ ސަރުކާރުން މައްޔިތާގެ ބޭނުން ނަހަމަ ގޮތުގައި ހިފަމުންދާ ކަމަށެވެ. މިގޮތުން ވިދާޅުވީ "މައްޔިޔާވެސް ދޫނުކުރެ، އަނގައަަށް ސިހުރު ލައިފަ ވަޅުލަނީ، ތިމަންނާކައިރީގައި މީހަކު ޔަގީން ކަމާއިއެކު ބުނި"!  މި ތުހުމަތާ ގުޅިގެން މީގެ އިތުރު ތަފްސީލެއް އޭނާ ހާމަކުރައްވާފައެއް ނުވެއެވެ.

މީގެ އިތުރުން، ރައީސް މުއިއްޒުގެ ޢާއިލާގެ ބަޔަކު ގެއެއްގެ ދޮރުމައްޗަށް ފެން ޖަހާ މަންޒަރެއް ސޯޝަލް މީޑިއާގައި ފެތުރިފައިވެއެވެ. މި ވީޑިއޯއާ ގުޅިގެން ގިނަ ބަޔަކު ވަނީ ކަންބޮޑުވުން ފާޅުކޮށްފައެވެ. 

އަދި ރައީސް މުއިއްޒުގެ އެންމެ އިތުބާރުކުރެވޭ ސިޔާސީ އެކުވެރިޔާ ރަމީޒުގެ އަނބިކަނބަލުން ވަނީ ރައީސް މުއިއްޒަށް ސިހުރު ހަދާ ކަމުގެ ތުހުމަތުގައި ހައްޔަރުކޮށްފައެވެ. މި ހާދިސާއާ ގުޅިގެން ސަރުކާރުން އަދި އެއްވެސް ރަސްމީ ބަޔާނެއް ނެރެފައެއް ނުވެއެވެ.

މި މައްސަލައާ ގުޅިގެން ރައީސް މުއިއްޒުގެ ޞިއްޙީ ހާލަތާ ބެހޭ ގޮތުން ސުވާލު އުފެދިފައިވާއިރު، ސިހުރު ބާޠިލުކުރުމަށް އެއްވެސް ފިޔަވަޅެއް އަޅާފައިވޭތޯ ސާފުވެފައެއް ނުވެއެވެ. މިއީ، ރައްޔިތުން އިންތިހާއަށް ކަންބޮޑުވާ ކަމެކެވެ!