ސަރުކާރަށް ޕުރެޝަރު ބޮޑުވެ ޖޫން މަހު އިޒުރޭލު ޕާސްޕޯޓު މަނާ ކުރުމަށް ކައްޒާބު ކެބިނެޓަށް ހުށަހަޅަނީ

ސަރުކާރަށް ޕުރެޝަރު ބޮޑުވެ ޖޫން މަހު އިޒުރޭލު ޕާސްޕޯޓު މަނާ ކުރުމަށް ކައްޒާބު ކެބިނެޓަށް ހުށަހަޅަން ނިންމައިފި އެވެ. 

އިޒްރޭލު ޕާސްޕޯޓު މަނާ ނުކުރާ މައްސަލާގައި ސަރުކާރަށް އެތައް ޕްރެޝަރެއް އަންނަނީ ކުރިމަތިވަމުންނެވެ. މިކަމުގެ ސުވާލު ތަކުރާރުކޮށް ސަރުކާރާ ކުރި ނަމަވެސް ސަރުކާރުން ޖަވާބެއް މިކަމުގައި ދީފައެއް ނުވެއެވެ. ޕާސްޕޯޓު މަނާ ނުކުރަނީ ކީއްވެކަންވެސް ސަރުކާރުން ސާފުކޮށްދީފައެއް ނުވެއެވެ. 

ސަރުކާރަށް މިކަމުގައި އެންމެ ބޮޑު ޕްރެެޝަރެއް ކުރިމަތިވާނެ ފެށީ މަޖިލީސް މެމްބަރުކަމުގެ ހުވާ ކުރުމަށްފަހު ޕީއެންސީގެ ޕީޖީ ލީޑަރު ފަލާހު ފަލަސްތީނުގައި ހިންގަމުންދާ ގަތުލްއާންމަކީ ދެ ގައުމެއްގެ ދެމެދުގައި ހިނގާ ދާހިލީ މައްސަލައެއްކަމަށް ބުނި ހިސާބުންނެވެ. 

އެކަމުގައި ސަރުކާރަށް ލިބުނު ގެއްލުން ފޫބެއްދުމަށް އޭގެ އަނެއް ދުވަހު ނަމާދުތަކުގައި ގުނޫތު ކިޔުމަށްވެސް އެންގި އެވެ. ނަމާދުތަކުގައި ގުނޫތު ކިޔުން މެދުކަނޑާލީ ވެސް މި ސަރުކާރުންނެވެ. 

ކެބިނެޓަށް މިކަމުގެ މަޝްވަރާތައް ކުރުމަށް ހުށަހެޅުމަށް ނިންމީ އިޒްރޭލުގެ ޕާސްޕޯޓު މަނާކުރުމަށް މަޖިލީހުން ފާސްކޮށް ސަރުކާރަށް ހުށަހެޅިތާ 190 ދުވަހަށްވުރެ ގިނަ ދުވަސް ވީ ފަހުންނެވެ. 

އަދި ކުއްލިއަކަށް މިކަމާ މި ތެޅިގަތީ ޖޫން 3 ވަނަ ދުވަހު ސައުދީ އެމްބަސީ ކުރިމަތީ މިކަމާ އިހުތިޖާޖެއް ބޭއްވުމަށް ނިންމުމުން ކަންވެސް އޮތީ ހާމަވެފައެވެ. 

ސަރުކާރުން އަންނަނީ ރާއްޖެ އޮތީ ފަލަސްތީނާ އެކުގައިކަން އެތައް ބައިނަލްއަގްވާމީ ފޯރަމެއްގައިވެސް ހާމަކުރަމުންނެވެ. އެހެންނަމަވެސް އެކަމާ ގުޅުވައި އަޅަން ޖެހޭ އެއްވެސް ފިޔަވަޅެއް ނާޅާތީ ސަރުކާރަށް އެތައް ފާޑުކިޔުމެއް އަންނަނީ އަމާޒު ވަމުންނެވެ.