ސަރުކާރުގެ ޚަރަދު ކުޑަކުރުމުގެ ނަމުގައި ލާމަރުކަޒީ ނިޒާމާ ނުކުޅޭ - އެމްޑީޕީ މަގުމައްޗަށް ނުކުންނަން މަޖުބޫރު ނުކުރާތި!

އެމްޑީޕީގެ ކުރީގެ ޚާއްޞަ މަޖިލީހުގެ މެންބަރު މީމު ޝަފީގު ވިދާޅުވެއްޖެ، ސަރުކާރުގެ ޚަރަދު ކުޑަކުރުމުގެ ނަމުގައި ލާމަރުކަޒީ ނިޒާމާ ނުކުޅެ، މިނިސްޓްރީތަކާއި ސިޔާސީ މުވައްޒަފުން މަދުކުރުމަށް. މިރޭ ބޭއްވި ހަރުގެ ޖަލްސާއެއްގައި ވާހަކަދައްކަވަމުން ޝަފީގު ވިދާޅުވީ، ލާމަރުކަޒީ ނިޒާމަކީ ސަރުކާރުގެ ޚަރަދު ކުޑަކުރުމަށް އެމްޑީޕީން ވަރަށް ބޮޑު ގުރުބާނީއެއް ވެގެން ފެށި ފެށުމެއް ކަމަށް.

"ޚަރަދު ކުޑަކުރުމުގެ ނަމުގައި ލާމަރުކަޒީ ނިޒާމު ފުނޑާލަން މަސައްކަތް ނުކުރައްވާތި. އަޅުގަނޑުމެން މަޑަކުން ނުތިބޭނެ," ޝަފީގު ވިދާޅުވިއެވެ. "ޚަރަދު ކުޑަކުރަން ބޭނުން ނަމަ، މިނިސްޓްރީތައް މަދުކޮށްފައި ސިޔާސީ މުވައްޒަފުން މަދުކުރަންވީ."

ޝަފީގު ފާހަގަކުރެއްވި ގޮތުގައި، މާލޭގައި ބައްކުކޮށްގެން އުޅުނު ބާރުވެރިކަން އަތޮޅުތެރެއަށް ބަދަލުކުރުމަކީ ޚަރަދު ކުޑަކޮށް ހަމަހަމަ ޚިދުމަތް ދިނުމުގެ ގޮތުން ކުރެވުނު ކަމެކެވެ. އަދި މިހާރު އަތޮޅުތެރޭގެ ރަށްތަކުގެ ކައުންސިލްތަކަކީ އިހްނަންވުރެ މާ މިނިވަން އަދި އަމިއްލަ ބާރު އޮތްބައެކެވެ. އަދިވެސް ނިޒާމު އެއްކޮން ފުރިހަމަ ނުވާކަމަށާއި، މިކަން ދެންވެސް ކުރެވޭނީވެސް ކުރުމުގެ ވިސްނުމެއްވެސް ހުރީ މިޕާޓީގައި ކަމަށް ތަކުރާރުކޮން ބުނެފައެވެ.

އިތުރަށް ޝަފީގު ފާހަގަކުރެއްވި ގޮތުގައި، އާދަމް ޝަރީފު އިންނެވި މިނިސްޓްރީއަކީ ދިވެހިރާއްޖޭގެ ގާނޫނުގައި ޖާގަވެސް ނެތް މިނިސްޓްރީއެކެވެ. ސަރުކާރުގެ ޚަރަދު ކުޑަކުރުމުގެ ނަމުގައި ލާމަރުކަޒީ ނިޒާމަށް އަމާޒުކޮށް އެއްވެސް ފިޔަވަޅެއް އަޅައިފިނަމަ، އެމްޑީޕީން މަގުމައްޗަށް ނުކުންނާނެކަމުގެ އިންޒާރު ޝަފީގު ދެއްވާފައިވެއެވެ.