ސްޓޭޓް މިނިސްޓަރ ޝާމް އާއި ޑރ. އަޙްމަދު ނަސީރުގެ އަޚްލާޤީ ފެންވަރާމެދު ޚިޔާލު ތަފާތުވުން އުފެދިއްޖެ-

‏ފިނޭންސް މިނިސްޓްރީގެ މުވައްޒަފުންނަށް ސްޓޭޓް މިނިސްޓަރ ޝާމު ގެ ފަރާތުން ކުރިމަތިވާ ދުއްތުރާއާއި އުނދަގުލަށް ނިމުމެއް ނައިސް ކުރިއަށް ދިއުމާއި ގުޅިގެން މުވައްޒަފުންގެ މާޔޫސްކަން މިހާރު މިވަނީ ވަރށް ބޮޑު ތަނުން އިތުރުވެ، ބައެއް މުވައްޒަފުންނަށް ނަފްސާނީ ބިރުވެރިކަމަކަށް ވެފައެވެ. މިހާރު އެމިނިސްޓްރީގެ ބައެއް މުވައްޒަފުން ދަނީ ނަފްސާނީ ބައްޔަށް ފަރުވާ ހޯދަމުންކަމަށްވާއިރު އަނެއް ބައި މުވައޒަފުން މިހާރު އެދަނީ އެހެން ވަޒީފާއެއް ހޯދުމުގެ މަސައްކަތް ކުރަމުންކަމަށް އެމިނިސްޓީގެ މުވައްޒަފެއް މިނޫހަށް މަޢުލޫމާތު ދީފައިވެއެވެ.
‏އެމުވައްޒަފު ބުނި ގޮތުގައި، މިނިސްޓަރ ޝަފީޤު ހުންނެވިއިރުވެސް، ޑރ.މުއިއްޒުގެ އަރިސް މީހެއްކަމުގައި ހެދިގެން ހުރެ، ޝާމުވަނީ ތަފާތު އެތައް ކަމެއް ކޮށްފައެވެ. އެގޮތުން މިނިސްޓަރ ޝަފީޤުގެ އެތައް އެންގުމެއް ބޮލާލައިޖަހައި ލުމަށްފަހު އޭނާ ބޭނުން ގޮތަކަށް ކަންކަން ކޮށްފައި އެބަހުއްޓެވެ. އަދި މިނިސްޓަރު ބުނާ ކަން ކަން ތިމަންނާ ކުރާން ނުޖެހޭނެ ކަމަށާއި ތިމަންނާއަކީ ޑރ.މުއިއްޒުގެ ލާފައިހުރި މީހެއްކަމަށާއި، ތިމަންނާއަށް އަމުރު ކުރެވޭނީ ހަމައެކަނި މުއުއްޒަށްކަމަށް މުވައްޒަފުން ގާތު ބުނެފައި އެބަހުއްޓެވެ. މިނިސްޓަރ އަދި އެޑްވައިޒަރ ޑރ.އަޙްމަދު ނަސީރު މަޤާމުން ދުރުކޮށް، އޭނާގެ އިލްމީ އަދި މަސައްކަތުގެ ދާއިރާއިން ބޭރުކޮށް ބޭކާރުކޮށްލައި، ފޮރިސް މިނިސްޓްރީއަށް ފޮނުވާލީވެސް ޝާމުއަށް އޭނާއާއި ހެދި އުނދަގޫވާތީ ކަމަށް ޝާމް އޮފީސް މުވައްޒަފުން ގާތު ބުނެފައި އެބަހުއްޓެވެ. އަދި އޭނާގެ ކަންކަމަށް ހުރަސް އަޅައި އޭނާ އުޅޭ ނޫޅޭ ގޮތް ބަލަން އުޅޭ ކޮންމެ މީހަކަށް އޮތީ މި އަޖަލު ކަމުގައިވެސް އޭނާ ބުނެފައި އެބަހުއްޓެވެ.
‏ކޮންމެއަކަސް މިނިސްޓަރ ޝާމުއަކީ ހަމަ ހަޤީޤތުގައިވެސް ބާރާއި ނުފޫޒުގަދަ ބޭކަލެކެވެ. ކުރީގެ ޑެޕިއުޓީ މިނިސްޓަރ ޝިއުނާއާއި މަލްސާ ފަދައިން ޝާމްއަކީ ތަނެއް ދޮރެއް އުޑެއް ބުޑެއް ވަކި ނުވާ މީހެއްކަމަކު އޭނާއަކީ ދިމްޔާތުގެ ފިޔަވާރީގެ ހިސާބު ކިތާބު ބަލަހައްޓައިދޭ އެކައުންޓެންޓްކަމުން  މިނިސްޓަރ ޝާމް އާ ނުކުޅެވޭނެކަމަށް އޭނާ ބުނެފައިވެއެވެ. އަދި ޑރ.މުއިއްޒުއަށް އޭނާއާއި ދެކޮޅު ނުވެވޭނެ ކަމަށާއި، ދެކޮޅުވެއްޖެނަމަ ސިއްރުތައް ބޭޒާރުވާން ފަށާނޭކަން މުއިއްޒަށް އެނގޭނޭކަމަށް ޝާމް ބުނެފައިވެއެވެ. އެއީ ތެދެކެވެ. މިނިސްޓަރ ޝާމް ކޮށްފައި ނުކުރާނޭ ކަމެއް ނެތެވެ. ފެނަކައިގެ ޖަނަރޭޓަރުތައް ގަތުމުގެ ޑީލުން 5 މިލިއަން ރުފިޔާ ނެގުމުން ވެސް އޭނާވީ ގަދަ މީހަކަށެވެ. އެއީ މިސަރުކާރުގައި މީހަކު ގަދަވަނީ އެމީހަކަށް ވައްކަމާއި ފަސާދައިގެ އަމަލުތައް ގިނައިން ހިންގުނު ވަރަކަށް ކަމަށްވާތީ ތޯއްޗެކެވެ.
‏ 
‏ރަޖިސްޓަރީ ނުކުރާ އޭނާގެ ކާރެއް ގެނެސް ސަތަރި ގަނޑެއް އަޅާފައި އެތައް މަސްދުވަހެއް ވާންދެން ކުއްޔެއް ނުދައްކައި ފިނޭންސް މިނިސްޓްރީގެ މުވައްޒަފުންގެ ޕާކިންގް ޒޯނުގައި ބާއްވަ ބާއްވާފައި، އޮފީސް ތެރޭގައި އެންމެން އެވާހަކަ ދައްކައި އެހަބަރު ނޫސްތަކަށް އެރި ހިސާބުން އެކާރު އެތަނުން އަވަހަށް ބޭރު ކުރިއެވެ. މިކަމާ ގުޅިގެންވެސް އޭނާއާމެދު އެއްވެސް ފިޔަވަޅެއް ނޭޅެއެވެ. ނުވެސް އެޅޭނެއެވެ.
‏މިނިސްޓަރ ޝަފީޤުއޭ ކިޔައިގެން މުއިއްޒުއާއި ދިމާވާ ކޮންމެ ތާކުން ކުޓުވައި ޝަކުވާކޮށް ހަދައިގެން އޭނާ އެތަނުން ބޭރުކޮށް، ލަދުވެތި ހުތުރު ގޮތަކަށް ގެއަށް ފޮނުވާލުމަށްފަހު، ޝާމު ހީކުރީ މިނިސްޓަރު ކަން ދެން ލިބޭނީ އޭނާއަށް ކަމަށެވެ. ނަމަވެސް ކޮރަޕްޝަނުން ފުރިފައިވާ މިފަދަ ތަނެއް ދޮރެއް ނޭނގޭ މީހަކަށް މިނިސްޓަރުކަން ނުދޭނޭކަން އޭނާ ހަމަ ނޭވާލާފައި ވިސްނާލުމުން އެނގެންވާނެއެވެ. މިނިސްޓްރީގެ ގިނަ ޑިޕާޓްމަންޓްތައް އޭނާއާއި ހަވާލު ކުރުމަކީ ހެދުނު ވަރަށް ބޮޑު ގޯހެއްކަމަށް މުވައްޒަފު ބުންޏެވެ. އެއީ އޭނާގެ ގައިގައި ހިންގުމުގެ އެއްވަސް ހުނަރެއް ނެތުމާއި، ކަންކަން ހިނގާ ނުހިނގާ ގޮތް އޭނާއަށް ނޭނގުމުން ކަންކަން ކުރަންވީ ގޮތުގެ އިރުޝާދު ނުދެވޭއިރު މުވައްޒަފުންނާއި މެދު ގޯސްކޮށް ކަން ކުރުމަކީ އޭނާ މިފަދަ މަޤާމަކަށް ކުފޫ ހަމަނުވާ ސަބަބުތައް ކަމަށް މުވައްޒަފު ބުނެފައިވެއެވެ. މިނިސްޓަރީގެ އަންހެން މުވައްޒަފުންނަށް މެސެޖުކޮށް ފްލާޓުކޮށް ހެދުމާއި ގިނަ މުވައްޒަފުންތަކެއް އަތުން ލޭންދޭނަށް ފައިސާ ނަގައި އަނބުރާ ރައްދު ނުކުރުންފަދަ އެތައް ކަމެއް ޝާމުގެ ފަރާތުން މުވައްޒަފުން ތަހައްމަލު ކުރަންވަނީ ޖެހިފައެވެ.
‏މިނިސްޓަރ ޒަމީރު، މިނިސްޓަރުކަމާއި ހަވާލުވެ، ޑރ.އަހްމަދު ނަސީރު އަނބުރާ ފިނޭންސް މިނިސްޓަރީއަށް ގެނައުމުން އެކަމާ އެންމެ ހިންހަމަ ނުޖެހިގެން ވާހަކަ ދެއްކީ ސްޓޭޓް މިނިސްޓަރ ޝާމެއެވެ. އަދި މުވައްޒަފުން ގާތު ސީދާ ގޮތުންނާއި ނުސީދާގޮތުން މިނިސްޓަރ އަޙްމަދު ނަސީރު މަސައްކަތްތަކަށް ހުރަސް އަޅާ، އެކިއެކި ގޮތް ގޮތުން ލަސްކޮށް ވިޔަ ނުދިނުމަށް ވަނީ އިރުޝާދުވެސް ދީފައެވެ.
‏ނަމަވެސް ހިތާމައަކީ މިކަންކަން ނުހުއްޓި ކުރިއަށްދާ ދިއުމެވެ. މިނިސްޓަރީގެ މުވައްޒަފުންނަށް މި ބިރުވެރިކަމުން ސަލާމަތް ވެވޭނޭ ދުހަވެއް ފެންނާން ނެތުމުންނެވެ. ޝަމް އަކީ ޑރ.މުއިއްޒުގެ ސިއްރުތަކުގެ އަމާނާތްތެރިޔާ ކަމުން މިނިސްޓަރ ޒަމީރަށްވެސް އެނޭ ބޭރެ ނުކުރެވޭނެތީއެވެ. މިނިސްޓަރ ޝާމްގެ މި ނުބައި ނުލަފާ ކަމުން ފުރިގެންވާ އަމަލުތަކުން މިމިނިސްޓްރީގެ މުވައްޒަފުން ސަލާމަތްވާނީ ފަހެ ކޮން އިރަކުން ތޯއެވެ. އޭނާ ކޮރަޕްޝަނާއި، ފުރައްސާރައާއި، މަސައްކަތްތަކަށް ހުރަސް އެޅުމަށް ނިމުމެއް އަންނަން ޖެހޭކަމީ ޝައްކެއްވެސް އޮތް ކަމެއް ނޫނެވެ. މިނިސްޓަރ ޑރ.އަހްމަދު ނަސީރުމެން ފަދަ އިޙްތާސްތެރި، ތެދުވެރި، ހުލްގު ހެޔޮ ޤާބިލް ބޭފުޅުންނަށް ފުރުޞަތު ލިބިގެން މެނުވީ ކަންކަން ހައްލު ނުވާނެއެވެ.