އެންމެ އެއާޕޯޓެއް ހެދުމުގެ ބަދަލެއްގެ ގޮތުން 12 ފަޅާއި ފަޅުރަށް – ކްރޮސް ސަބްސިޑީގެ އާ ރެކޯޑެއް

ފާއިތުވެދިޔަ ގިނަ ވެރިކަންތަކެއްގައިވެސް ކްރޮސް ސަބްސިޑީގެ އުސޫލުން އެއަރޕޯޓު އެޅުމަށް ފަޅުރަށް ދޫކޮށްފައިވެއެވެ. މިގޮތުން މައުމޫނު ދައުރުއްސުރެ، ރައީސް ނަޝީދާއި، ރައީސް ޔާމިން އަދި ރައީސް ސޯލިހްވެސް އެއަރޕޯޓެއް އެޅުމުގެ ޚަރަދު އަގުމަގު ކުރުމުން 1 ފަޅުރަށަށް އެއަރޕޯޓް އަޅައިދޭނެ އިންވެސްޓަރުން ވެއެވެ. ރާއްޖޭގައި ރިޒޯޓެއް ހުޅުވުމަކީ އެއާޕޯޓެއް އަޅަންދާ 3 މިލިއަން ޑޮލަރު ކުޑަ މުއްދަތެއްގެ ތެރޭގައި އަނބުރާ ލިބޭނެ ވަރުގެ އިންވެސްޓްމަންޓެކެވެ.

އެހެންނަމަވެސް މި ސަރުކާރުން މި ވަނީ މަޖިލިސް އިންތިޚާބަށް ފަންޑު ހޯދުމުގެ ބޭނުމުގައި ހުވަދު އަތޮޅުން 12 ފަޅާއި ފަޅުރަށް އެންމެ އެއާޕޯޓެއް ހެދުމުގެ އަގު ކަމަށް ބުނެ 99 އަހަރަށް ބޭރުގެ ބަޔަކަށް ވިއްކާލާފައެވެ. މިކަމުގައި ރައްޔިތުންގެ ލޮލުގައި އަނދުން އެޅުވުމުގެ ބޭނުމުގައި މި އެއާޕޯޓުގެ އަގަކީ 600 މިލިއަން ޑޮލަރު ކަމަށް ބުނެ ކައްޒާބު މުއިއްޒު މިވަނީ އެތައް ބުހުތާނު ދޮގެއް ހަދާފައެވެ. މިހާ އަގުބޮޑު އެއާޕޯޓެއްނަމަ ރަންވޭ އޮންނާނީ އަލިމަހާއި ހުދަންބަރުންނެވެ. ޓާމިނަލް އޮންނާނީ ސަންގުމަރުމަރު ހިލައިންނެވެ.

މިކަމުގެ ކަޓެއްގެ ގޮތުން މަޖިލިސް އިންތިޚާބަށް 200 މިލިއަން ރުފިޔާ ދިނުމަށް މި ފަރާތާއެކު މުއިއްޒު ވަނީ އެއްބަސްވެފައެވެ. ދައުލަތުގެ މާލިއްޔާއަށް ވަންނަން އޮތް އެތައް މިލިއަން ރުފިޔާއެއް ފެންފޮދަކާ ނުލައި ދިރުވާލީއެވެ. ރިޒޯޓު ހަދަން 12 ރަށް ދީފިނަމަ 12 އެއާޕޯޓު އަޅައިދޭނެ އެތައް އިންވެސްޓަރުންނެއް ވާނެއެވެ. މިއީ އެންމެ ކުޑަ ކުއްޖާވެސް ދަންނާނެކަމެކެވެ.

މުއިއްޒު ސްޕީޑްގައި މިއޮއްގެންދަނީ ފަޅުތަކާއި ފަޅުރައްތަށް ވިއްކަމުންނެވެ. ރަސްމާލެ ޓަނަލް އަޅަށް ހެޔޮވަރު ވަރުގެ އަތޮޅެއް ހިބައިން ނުދީފިނަމަ ކިތަންމެހާވެސް ރަނގަޅެވެ. ގައުމު އެކީ ވިއްކާ ހުސްކޮށްފިއެވެ.