ތުރުކީގެ ބަވަރޭޖު އުފައްދާ ކުޑަ ކުންފުންޏަކުން ކާޑު އެތެރެކުރި ކަމަށް ބުނާ މައްސަލައިގައި ބޮޑު ކޮރަޕްޝަނެއްގެ ވަސް ދުވައްޖެ

ތުރުކީން ކާޑު އެތެރެކުރި ކަމަށް ބުނާ މައްސަލައިގައި އާ ހެކިތަކެއް ހާމަވެ، މިއީ ރައްޔިތުންގެ ފައިސާއިން ހިންގާފައިވާ ބޮޑު ވައްކަމެއްކަން ވަނީ ސާބިތުވެފައެވެ. މި މައްސަލައިގައި ސަރުކާރުގެ އިސް ފަރާތްތަކުގެ ބައިވެރިވުން އޮތްނާނެ ކަމާމެދު ސުވާލެއް އުފައްދާނެ ދިވެއްސަކު މިއަދުނެތެވެ. ވަގުން ވެރިކަން- މިއޮތީ ފެށިފަ!
ލިބިފައިވާ މަޢުލޫމާތުގެ އަލީގައި، މި މުޢާމަލާތުގައި ބައިވެރިވެފައިވާ ތުރުކީ ކުންފުންޏަކީ ބަވަރޭޖު އުފައްދާ ކުޑަ ކުންފުންޏެއްގެ ގޮތުގައި ރަޖިސްޓަރީކޮށްފައިވާ ކުންފުންޏެކެވެ. މިއީ ކާޑު އުފެއްދުމާ އެއްވެސް ގުޅުމެއް ނެތް ކުންފުންޏެއްކަން ފާހަގަކުރެވެއެވެ.
ސަރުކާރުގެ އިމޭޖު ރަނގަޅުކުރުމަށް ނެރެފައިވާ ފޮޓޯތަކުގައި ބެޗް ނަންބަރުތައް ތަފާތުވުމަކީ މި މައްސަލައިގެ ޙަޤީޤަތް އިތުރަށް ހާމަކޮށްދޭ ކަމެކެވެ. މި ފޮޓޯތައް ނަގާފައިވަނީ އެސް.ޓީ.އޯގެ ގުދަނެއްގައި ކަމަށް ވަނީ ކަށަވަރުވެފައެވެ.

ތުރުކީގެ ބަވަރޭޖު އުފައްދާ ކުޑަ ކުންފުންޏަކުން ކާޑު އެތެރެކޮށްފި

މި މައްސަލައިގައި ސަރުކާރުގެ އިސް ފަރާތްތަކާއި، އެސް.ޓީ.އޯގެ އިސްވެރިން ބައިވެރިވެ ސިއްރު ބައްދަލުވުމެއް ބާއްވާފައެވެ. މި ބައްދަލުވުމުގައި ރައީސް އޮފީހުގެ މިނިސްޓަރ އަރީފް، މީޑިއާ ޓީމުގެ ޙަލީލް އަދި އެސް.ޓީ.އޯގެ އެމް.ޑީ ބައިވެރިވިކަމަށް ބެލެވެއެވެ.

އިތުރަށް ސަމާލުކަން ދޭންޖެހޭ ކަމަކީ، މި މުޢާމަލާތުގައި ބައިވެރިވި ކަމަށް ބެލެވޭ ކުންފުންޏަކީ ޔޫއެން އާ ކޮންޓްރެކްޓް ކޮށްފައިވާ ކުންފުންޏެއް ކަމަށްވުމެވެ. ނަމަވެސް، މި ކުންފުނި ވަނީ ކޮމިއުނިކޭޝަންގެ މައްސަލަތަކާ ގުޅިގެން ސަސްޕެންޑް ކުރެވިފައެވެ.
އިދިކޮޅު ފަރާތްތަކުން މި މައްސަލަ ސިފަކުރަނީ "ރައްޔިތުންގެ ފައިސާއިން ވާ ބޮޑު ހިޔާނާތެއް" ގެ ގޮތުގައެވެ. އަދި މިއީ "ކާޑުން ކުރި ވައްކަމެއް" ކަމަށް ބުނެ، މި މައްސަލަ މިނިވަން ތަޙްޤީޤެއް ކުރަން ދޮންއަމާ ނިއުސްއިން ގޮވާލަމެވެ.

މި މައްސަލައާ ގުޅޭގޮތުން ސަރުކާރުން އަދިވެސް ރަސްމީ ބަޔާނެއް، ބަހެއް ނެރެފައެއް ނުވެއެވެ. ނަމަވެސް، މި މައްސަލައިގެ ސަބަބުން ސަރުކާރުގެ އިތުބާރަށް ލިބޭނެ ގެއްލުން ވަރަށް ބޮޑުވާނެ ކަމީ ޔަގީންވާ ކަމެކެވެ.