ދަ ޑިމޮކްރެޓްސްގައި ޒުވާނުންނަށް ފުރުސަތު ނެތްކަމަށް ބުނެ ގިނަބައެއްގެ ފާޑުކިޔުން ހަސަންލަތީފަށް

ދަ ޑިމޮކްރެޓްސްގައި ޒުވާނުންނަށް ފުރުސަތު ނެތްކަމަށް ބުނެ ގިނަބަޔެއްގެ ފާޑުކިޔުން ހަސަން ލަތީފަށް އަމާޒުކޮށް ނުރުހުން ފާޅުކޮށްފިއެވެ.

އެކްސްގައި ޑިމޮކްރެޓްސްގެ ޒުވާނުން މިއަދު ކަންބޮޑުވުން ފާޅުކުރީ އެ ޕާޓީގެ ޒުވާނުންނަށް ޕާޓީގެ ނިންމުންތަކުގައި ގޮތް ކިޔުމުގެ ބާރު ނުދިނުމާއި، ކުރިން އެޕާޓީ އަކީ ޒުވާނުންގެ ޕާޓީއެއްގެ ގޮތުގައި ސިފަކޮށްގެން އުޅުނީ ސިޔާސީ ބޭނުމެއްގައި ކަމަށް ބުނެއެވެ.

“ޔަންގް ޑެމްސްގެ އިންތިހާބު ބޭއްވުނުތާ މިއަދާހަމައަށް 2 މަސް ފުރިހަމަވީ. އިންތިހާބަށް ވީނުވީ ނޭންގި 2 މަސް. ޔަންގް ޑެމްސް އަކީ ދެމީހެއްގެމަސްލަހަތެއް ނޫން. ޝަކުވާ ކުރެވިއްޖެ, ކެތްކުރެވިއްޖެ. މި ޒުވާން ޕާޓީގެ ޒުވާނުންގެ ގުނަވަނަކީ ސެކަންޑް ކެޓެގަރީ ބޮޑީ އަކަށްވުމަކަށް ނޭދެން.” ޑިމޮކްރެޓްސް އުފެއްދުމުގައި އިސްކޮށް އުޅުނު ޔޫސުފް ޝާހު އެކްސްގައި ބުނެފައިވެއެވެ.

ޝާހުގެ އިތުރުން އެ ޕާޓީގެ ގިނަބަޔަކު އަންނަނީ ސޯޝަލް މީޑިއާގައި އެކަމުގެ ކަންބޮޑުވުން ފާޅުކުރަމުންނެވެ.

އަދި އެއާއެކު ޕާޓީގެ ރައީސް ހަސަން ލަތީފުގެއިސްތިއުފާއަށް ވެސް ވަނީ ގޮވަން ފަށަައިފައެވެ. އަދި ޕާޓީގެ ގިނަ ޒުވާނުންތިބީ ނުތަނަވަސްކަމެއްގެ ތެރޭގައިއެވެ. ބަދަލުކުރަން ޖެހޭ ސިޔާސަތަކީ ބޮޑުޕާޓީ އިސްލާހްކުރަން ހަނދާކުޑަޕާޓީ، އަދި އެޕާޓީ އިސްލާހްކުރަން ހަނދާ އެއްވުރެ ކުޑަޕާޓީގެ ސިޔާސަތެވެ. ފުރުސަތު ފަހިނުވާ ކޮންމެ ފަހަރަކު އޮޑިންފައިބައިގެން ގޮސް އައު އޮޑިއެއް ނުބަދެވޭނެއެވެ. އަދި ފަހުވަގުތު މަހައްދާނެ މީހުންވެސް ހަމަނުވެދާނެއެވެ.