ފައިސާ ދޫ ނުކޮށް ތިބެގެން ބޭރުގައި ކިޔަވަމުންދާ ދަރިވަރުން ހާލުގައި ޖައްސަނީ، ފައިސާ ދޫކުރަމުން ދަނީ ހަމައެކަނި މަގާމުތަކުގައި ތިބި މީހުންގެ އާއިލާ ކުދިންނަށް!

ފައިސާ ދޫ ނުކޮށް ތިބެގެން ބޭރުގައި ކިޔަވަމުންދާ ދަރިވަރުން ހާލުގައި ޖައްސަން މުއިއްޒުގެ ސަރުކާރުން ފަށައިފި އެވެ.

އެ ވާހަކަތައް ދަރިވަރުން ހާމަ ކުރަން ފަށައި އެކަން ސޯޝަލް މީޑިޔާއަށް ތިލަވުމުން މިހާރު ސަރުކާރުގެ އިސް މަގާމުތަކުގައި ތިބި މީހުންގެ އާއިލާ ކުދިންނަށް ފައިސާ ދޫކުރަން ވަނީ ފަށާފަ އެވެ. 

ހަޔަރ އެޑިޔުކޭޝަންގެ އިސް މަގާމުތަކުގައި ތިބި މީހުން ދަރިވަރުންނަށް ފައިސާ ދޫކުރަމުން ދާ ކަމަށް ބުނެ ދޮގު ހަދަމުން ދާއިރު ބޭރުގައި ކިޔަވަމުން ދާ ދަރިވަރުންނަށް ފައިސާ ދޫ ނުކުރާތާ މިހާރު ވަނީ ދެ މަސް ވެފަ އެވެ. 

އެކަމުގެ ކަންބޮޑުވުން ގިނަ ދަރިވަރުންތަކެއް ވެސް އަންނަނީ ފާޅު ކުރަމުންނެވެ. ކުދިންގެ ފީތަކުގެ އިތުރުން އުޅެމުންދާ ތަނުގެ ކުލި ދެއްކިފައި ނުވުމުގެ ޝަކުވާތައް ވެސް ސޯޝަލް މީޑިޔާގައި ވަނީ ތިލަ ވެފަ އެވެ.

ދަރިވަރުންނަށް ފައިސާ ދޫ ކުރެވޭ މިންވަރަށް ވެސް ދައުލަތުގައި ފައިސާ ނެތީ ހެއްޔެވެ؟ ނޫނީ އެ ދަރިވަރުންނަށް ފައިސާ ދޭން ބޭނުން ނުވަނީ ހެއްޔެވެ؟ އެ ކުދިން ކިޔެވުން މެދުކަނޑާލުމަށް ފަހު އެނބުރި އަންނަން ވީ ހެއްޔެވެ؟

ކަންކަން މެނޭޖް ކުރަން ނޭންގޭ ނަމަ ކުރަން އިނގޭ ބަޔަކާ ހަވާލު ކުރުމަށް ގިނަ ބަޔަކު މިހާރު ވެސް އަންނަނީ މުއިއްޒުގެ ސަރުކާރަށް ގޮވާލަމުންނެވެ!