"ހެޔޮކަންތަކަށް އަމުރު ކުރުމާއި މުންކަރާތްތައް ނަހީކުރުން" ހުކުރު ޙުތުބާ

އަދުގެ ހުކުރު ހުތުބާގައި އަލިއަޅުވާލާފައިވާ މައުޞޫއު އަކީ "ހެޔޮކަންތަކަށް އަމުރު ކުރުމާއި މުންކަރާތްތައް ނަހީކުރުން" މިއެވެ.

އެގޮތުން ހުތުބާގައި އަލިއަޅުވާލައްވާފައި ވަނީ  ހެޔޮކަންތައްތަކަށް އަމުރު ކުރުމާއި މުންކަރާތްތައް މަނާކުރުމުގެ މުހިއްމުކަމަށެވެ. އަދި މި ޒިންމާއަކީ އިސްލާމީ އުންމަތުގެ ހުރިހާ ފަރުދުންގެ ބޮލުގައި މާތް الله އަޅުއްވާފައިވާ ޒިންމާއެއް ކަަމަށެވެ. ހަމަ އެހެންމެ ކޮންމެ މީހަކުވެސް އެމީހެއްގެ ފެންވަރާއި ހައިސިއްޔަތުގެ މިންވަރުން އެ ޒިންމާ އަދާކުރަން ޖެހޭނެ ކަމަށާއި އެއީ ބިމުގައި ބާރުވެރިކަމާއި ނަސްރު ދެއްވުމުގެ ސަބަބެއް ކަމަށް ހުތުބާގައި އަލިއަޅުވާ ލައިފައިވެއެވެ.

އެޒިންމާގެ ދަށުން ދޮންއަމާ.ނިއުސްއިން،  ދައުލަތުގެ އެއްމެ އިސްވެރިއާއަށް ހަނދުމަކޮށް މި އަރުވަނީ ވެރިކަމަށް ވަޑައިގަންނަވަން، އެމަނިކުފާނު ފޯޑިއަމުތަކުގައި ދެއްކެވި ވާހަކަތަކާއި ލިޔެ ސާއިރު ކުރެއްވި ވައުދު ތަކަށެވެ.

ސަރުކާރު  ކުންފުނިތަކުގެ ވަޒީފާގައި ތިބި މީހުން ވަކި ނުކުރާނެ ކަމަށް ބުނެ ވައުދުވެ ވަޑައިގެން ނެވި ރައީސްމީހާ ވެރިކަމަށް 14 ދުވަސްނުވެ ހާހުން މީހުންތައް ކަނޑަންފެށީއެވެ. އޭރުގެ ސަރުކާރުން ކޮންޓުރެކްޓު އުސޫލުން ދީފައިވާ ވަޒީފާތުގެ ބަދަލުގައި ފަހި ގޮތެއް ހަދައިދޭނެ ކަމަށް ތަކުރާރުކޮން ވައުދުވެ ވަޑައިގަތެވެ.

ކަން ހުރިގޮތަކީ ތަކުރާކޮށް އެކި މީޑީއާތަކުގައި އަތުނުލާނެ ކަމައް ވިދާޅުވެ ހުވާކުރެއްވި ބިންތަކާއި ފުލެޓުތައް އަތުލާނެކަމުގެ ފެހި ސިގުނަލެއް މި ސަރުކާރުން ދޭންފެށުމެވެ. ކުޑަކޮން މަޑުޖެހިފައި އޮތީ ރައްޔިތުންގެ މަޖިލީސް ބޯމަތިވެފައިވާތީ ކަމީ އެންމެނަން އިނގޭ ސިއްރެކެވެ.

ދައުލަތުގެ ރައުސުލްމާލަށް އަތްލައިގެން ބަދަލުގެ ގޮތުގައި ފައިސާނަގައި ބަހަމުން ކެންޕޭނުގައި ހަރަދުކުރި މީހުންގެ ބައިހަމަކުރުމަށެވެ. މުނާފިގުންގެ ހުތުރު ސިފަ ރައީސް މީހާގެ ގައިން ފެންނަށް ފަށައިފިއެވެ.  ހަނދުމަކޮށް މިއަރުވަނީ މި ދެންނެވި ކަންތަކާއި ދުރުވާނެ ކަމުގެ އުންމީދުގައެވެ.