ކުވޭތު ފަންޑުން ގުރާންޓު ހޯދީ ރަށު ސުކޫލުގައި 2 ބުރީގެ އިމާރާތްތެއް ހަދަން، ނިންމާފަ ބޭލީ 85 ފޫޓު ސަޕުލައި ދޯނިއެއް

މި ނުހޫން ޓުވީޓުކުރުމުން ހަލީލު އިންކާރުކޮށް ބޮޓު އެކައުންޓުތަކުން އިންޒާރުދިން ޑރ ހަލީލުގެ ކަޅުފައިސާގެ ވާހަކަ ކުޑަކޮން ތިލަކޮށްލާނަމެވެ. އަޅުގަނޑުމެންނަން މީގެ ބައެއް މައުލޫމާތު ލިބުނީ އަދަދު ނޫހުގެ އާޓިކަލްއަކުންކަން ފެށުމުގެ ކުރިން ފާހަގަ ކޮށްލަމެވެ. 

ރަށުގެ ސުކޫލުގެ ނަަމުގައި އެތައް ފައިސާއެއް ނަގާއި އަމިއްލަ ވިޔަފާރި ކުރިއެރުވުމަށް ހަލީލުވަނީ ބޭނުން ކުރަށްވާފަކަމަށް ތަކުރާރުކޮން އެރަށުގެ ރައްޔިތުން ހޮޅުއަށިތަކުގައި އާއި ސައިހޮޓާތަކުގައި ދަނީކިޔަމުންނެވެ. މިގޮތުން އެރަށުގައި ސުކޫލުގެ ދަތިކަން ފިލުވަންކަމަށްބުނެ، ގަތަރު ފައުންޑޭސަންއިން 200،000.00 ޑޮލަރުގެ އެހީތެރިކަމެއް ހޯދާ، އެފައިސާ އޭނާގެ އަމިއްލަ އެކައުންޓަށް ޖަމާކުރިކަމުގެ ހެކިމިހާރު އެހުރީ ފެންނާށެވެ. 

އެކޭ ފައުންޑޭޝަންގެ އެކައުންޓުން ފައިސާތައް ޓުރާންސްފާ ވެފައިހުރި އެކައުންޓުތަކަށް ބަލާއިރު ކުރީގެ އިގުރައިދޫ ދާއިރާގެ މެންބަރު ފަލާހުގެ އެކައުންޓަށް 20،000.00 ޑޮލަރު ޖަމާކޮށްފައިވެއެވެ. އަދި ވަކިށް ފާހަގަކޮށްލެވެނީ ހަލީލުގެ އަމިއްލަ އެކައުންޓަށް 89،080 ޑޮލަރު (1.37 މިލިއަން ދިވެހި ރުފިޔާ)  ޖަމާކޮށްފައިވެއެވެ. 

އެ ޕުރޮޕޯސަލްގައިވާ 2 ބުރީގެ އިމާރާތްޖެހީ ވަޅެވެ. ނަމަވެސް ހެޔޮވަރު ބޮޑު ސަޕުލައިދޯނިއެއް ބަނދެބާލާ އިންޖޫނު ހެދިކަމީ އެރަށުގެ އެންމެނަން އިނގޭ ބޮޑުސިއްރެކެވެ. ދޯނިގައި އަޅަންބޭނުވާ އިންޖީނު (މޮޑެލް ނަންބަރު V158TIH PROP) ގަންނަށް ދިޔާއި ހަލީލުއެވެ. 

މިހާރުދިމާވެގެން މިއުޅެނީ މާނުރައްކާތެރި މައްސަލައެކެވެ. ކުވޭތު ފައުންޑޭޝަންއަކީ ރާއްޖޭގެ ތަރައްގީއަށް ގިނަ ހޭދަކުރަމުން އަންނަ ފައުންޑޭޝަނެކެވެ. މިގޮތުން ނިމިދިޔަ ދައުރުގައި ރާއްޖޭގައި 4 ހޮސްޕިޓަލެއް އެޅުމަށް ފަންޑުވަނީ އެޖަމިއްޔާއިން ހަމަޖަށްސާފައެވެ. ނަމަވެސް، މިހާރުގެ ހެލްތު މިނިސްޓަރު އަބްދުﷲ ހަލީލުގެ ޖަމިއްޔާ، އަބްދުﷲ ހަލީލު ފައުންޑޭޝަން (އޭކޭ ފައުންޑޭޝަން) އިން އެހިންގި ޖަރީމާގެ ކަންކަމާއި އެފުރޮޖެކްޓު ނުނިމެ ދިގުލައިގެން ދިޔުމުންގެ ސަބަބާއި ހުރެ، ދައުލަތުގެ އިސްމަގާމަކަށް ހަލީލު ފަދަ ކަރަޕްޓު ހިޔާނާތްތެރިއެއް އަށްޔަނުކުރުމުގެ ސަބަބުން ކުވޭތު ފަންޑުގެ އެހީތެރިކަންވަނީ އަނބުރާ ގެންގޮސްފައެވެ.