ގައުމީ ދިދަ ޖެހި ގައުމީ އާގުބޯޓުތަކަކީ ރައީސް ސޯލިހު ފެއްޓެވި ކާމިޔާބު ސިނާއަތެއް!

25 މާޗު 2020 ވީ ދުވަހު، ދަރުބާރުގާއި ބޭއްވި ނޫސްވެރިންގެ ބައްދަލުވުމުގައި ރައީސް އިބްރާހިމް މުހައްމަދު ސޯލިިހު އިއުލާނު ކުރެއްވާ، އިންދެވީ ދިވެހިންގެ ޤައުމިއްޔަތުގެ އައުކުރިއެކެވެ. އެސްޓީއޯގެ ޝިޕިން ލައިންގެ ފުރަތަމަ އާގު ބޯޓު ރާއްޖެގެނެސް ދިވެހިންގެ އަމިއްލަ ޤައުމީ ސިޕިންލައިން އުފެއްދެވީއެވެ. 

ތާރީޙްގައި އާގު ބޯޓުފަހަރު ދުއްވުމުގެ ޚިޔާލަކީ، 1932މ ވަނަ އަހަރު ދިވެހި ރާއްޖޭގެ ފުރަތަމަ ޤާނޫނު އަސާސީ ފާސްވުމާ ގުޅިގެންވެސް ނުކުތް ޚިޔާލެކެވެ. ރައްޔިތުންގެ މަޖްލިސަށް އެންމެ ފުރަތަމަ ހުށަހެޅުނު ބިލްތަކުގެ ތެރޭގައި “އާގުބޯޓެއް ނުހޯއްދަވައި ތިއްބެވުން ހެޔޮ ނުވާނެ” ކަމަށް ފެނިގެންނެވެ”

ދިވެހި ރާއްޖެ އަކީ 1960ގެ އަހަރުތަކުގެ ފަހުކޮޅުން ފެށިގެން 1980ގެ އަހަރުތަކުގެ ކުރީކޮޅާ ޖެހެންދެން، ވަރަށް ފުޅާކޮށް ޝިޕިން ލައިނެއް ހިންގި ގައުމެކެވެ. ވަނަ އަހަރު މޯލްޑިވްސް ޝިޕިން ލިމިޓެޑް (އެމް.އެސް.އެލް) ރާއްޖޭގަ ރެޖިސްޓަރކުރިއެވެ. ކުޑަކުޑަ ދެ އާގުބޯޓުން ފެށި ވިޔަފާރި 15 އަހަރު ތެރޭ ރަނގަޅު 40 އާގުބޯޓުގެ ފައިދާ ހުރި ގައުމީ ސިނާއަތަކަށް ރައީސް ނާޞިރު ހެދިއެވެ. 1980 ވަނަ އަހަރުގެ ފައިދާ 7.443 މިލިއަން ޑޮލަރަށް އެރިއެވެ. ނަމަވެސް އިހުމާލުތަކާއި އާގުބޯޓުތަކުގެ ޒާތައް އައި ބަދަލުގައި ހީނަރުވަމުން ގޮސް 2008 ވަނަ އަހަރު ގައުމީ އާގުބޯޓު ކުންފުނީގަ އޮތީ 3 ބޯޓެވެ.

‏2020 ވަނަ އަހަރު ރައީސް އިބްރާހިމް މުހައްމަދު ސޯލިިހު ވެރިކަމުގަ މޯލްޑިވްސް ސްޓޭޓް ޝިޕިން (އެމްއެސްއެސް) ގެ ނަމުގަ ގައުމީ އާގުބޯޓުގެ ސިނާއަތް އަލުން ބިނާކުރަން ފެށިއެވެ. ދިވެހި ދިދަ ޖެހި 4 އާގުބޯޓާ އެކު، ދައުލަތުގެ ވިޔަފާރި ކުންފުނި އެސްޓީއޯގެ ސަބްސިޑަރީ ކުންފުނިތަކުގެ ތެރެއިން އެސްޓީއޯއަށް އެންމެ ގިނަ ފައިސާ މިހާރު ވަންނަ އެއް ސަބްސިޑަރީ އަކީ ގައުމީ އާގުބޯޓުފަހަރުގެ ކުންފުންޏެވެ. ގައުމީ ދިދަޖެހި ގައުމީ އާގުބޯޓުތައް މިހާރު ރާއްޖޭގަވެސް އޮންނާނެއެވެ.

މައުލޫމާތު ސޯސް: ލޫކަސް ޖަލީލުގެ އެކްސް އެކައުންޓު