ރައީސް މުޢިއްޒުގެ ކޮއްކޯފުޅު 9 މިލިއަން ރުފިޔާއަށް ހުޅުމާލެއިން ބިމެއް ގަތުމާ ގުޅިގެން ކަރަޕްޝަންގެ ތުހުމަތު

ދިވެހިރާއްޖޭގެ ރައީސް މުޙައްމަދު މުޢިއްޒުގެ ކޮއްކޯފުޅު އަދި ނިލަންދޫ ދާއިރާގެ މަޖިލީސް މެންބަރު ސައުދާ 9 މިލިއަން ރުފިޔާއަށް ހުޅުމާލެއިން ބިމެއް ގަތްކަމަށް ބުނެ ސޯޝަލް މީޑިއާގައި ދަނީ ވާހަކަ ދެކެވެމުންނެވެ. މި މައްސަލައާ ގުޅޭގޮތުން ގިނަ ބަޔަކު ދަނީ ސުވާލު އުފައްދަމުންނެވެ. އެގޮތުން މިފަދަ ބޮޑު އަދަދެއްގެ ފައިސާ ހޯދުނީ ކިހިނެއްތޯ އާއި މަޖިލީހުގެ މުސާރައިން މިފަދަ ބޮޑު އަދަދެއް ހޯދިދާނެތޯ ފަދަ ސުވާލުތައް ކުރަމުން ދެއެވެ.

މީގެ އިތުރުން ރޭގައި ޕީޕަލްސް ފްރޮންޓުން ބޭއްވި ޖަލްސާއެއްގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން ކުރީގެ ރައީސް ޔާމީން ވިދާޅުވެފައިވަނީ މުލިއާގޭގައި ފައިސާ އަޅާ ގަހެއް ހުރިކަން ނޭނގޭ ކަމަށާއި، ނަމަވެސް މަޖިލިސް މެންބަރުންނަށް މުލިއާގެއިން ފައިސާ ދޫކުރާ ވާހަކައަކީ ތެދު ވާހަކައެއް ކަމަށެވެ.

ސަރުކާރުން ޚަރަދު ކުޑަކުރުމުގެ ނަމުގައި އަތޮޅުތެރޭގައި ހިނގަމުންދާ ޕްރޮޖެކްޓުތައް ހުއްޓާލައި، ކައުންސިލަރުންނާއި ކައުންސިލްތަކަށް ދެމުން އަންނަ ގްރާންޓު މަދުކުރުމަށް މަޝްވަރާކުރަމުންދާ ކަމަށް ބުނެވެއެވެ. އަދި ރައްޔިތުން "ހިތި ބޭސް" ބޯންޖެހިދާނެ ކަމަށް ބުނެ ތަކުރާރުކޮށް ދަނީ ބިރުދައްކަމުންނެވެ.

ނަމަވެސް، މި ވާހަކަތަކުގެ އިޚްލާޞްތެރިކަމާމެދު ސުވާލު އުފެދެމުންދަނީ ސިޔާސީ މަޤާމުތަކަށް ބޮޑެތި މުސާރައިގައި މީހުން ނަގަމުންދާތީއެވެ. 

ޤާނޫނުގައި ބަޔާންކޮށްފައިވާ ގޮތުން، ޝައުދާގެ މި މުޢާމަލާތަކީ އެންޓި-ކޮރަޕްޝަން ކޮމިޝަނުން ތަޙުޤީޤުކުރަންޖެހޭނެ ކަމެކެވެ. ނަމަވެސް، ގިނަ ފަރާތްތަކުން ޤަބޫލުކުރާ ގޮތުގައި މިކަން ތަޙުޤީޤުކުރުމަކީ ވުމަށްވުރެ ނުވުން ގާތް ކަމެކެވެ. ސަބަބަކީ މަޖިލީހާއި މިނިވަން މުއައްސަސާތައް ރައީސް މުޢިއްޒުގެ ނުފޫޒުގެ ދަށުގައެވެ.