ރައީސް ޔާމީނުގެ ރައްދުދިނުމުގެ ޚާއްޞަ ޖަލްސާ ނޫސްވެރިންނަށް ހުޅުވާލައިގެން އަންނަ ބުރާސްފަތި ދުވަހުގެރޭ!

ޕީޕަލްސް ނެޝަނަލް ފްރޮންޓް (ޕީއެންއެފް) އިން އިއުލާންކޮށްފައިވާ ގޮތުގައި، ކުރީގެ ރައީސް އަބްދުﷲ ޔާމީން އަބްދުލްޤައްޔޫމްގެ ވަރަށް ޚާއްޞަ ޖަލްސާއެއް މިއަންނަ ބުރާސްފަތި ދުވަހުގެ ރޭ 20:30 ގައި ބޭއްވުމަށް ހަމަޖެހިފައިވެއެވެ. މި ޖަލްސާއަކީ ނޫސްވެރިންނާއި އާންމު ރައްޔިތުންނަށް ހުޅުވާލެވިފައިވާ ޖަލްސާއެކެވެ. އަދި ނޫސްވެރިންނަށް ސުވާލުކުރުމުގެ ފުރުޞަތު ދެވޭނެ ކަމަށްވެސް ޕީއެންއެފް އިންވަނީ ބުނެފައިވެއެވެ.

އެތެރޭގެ މަޢުލޫމާތު ލިބިފައިވާ ފަރާތްތަކުން ބުނާ ގޮތުގައި، މި ޖަލްސާގައި ރައީސް މުޙައްމަދު މުޢިއްޒުގެ އިތުރު ޖަރީމާތަކާއި ސިއްރުތައް ހާމަކުރުން އޮންނާނެއެވެ. ޕީއެންއެފްގެ ޖަލްސާތަކުގައި ރައީސް މުޢިއްޒުގެ ސިހުރު ހެދުމުގެ ވާހަކަތައް ދައްކަމުން އަންނަކަން ފާހަގަކުރެވެއެވެ. ރައީސް ޔާމީނު އެތައް ފަހަރަކު ތުހުމަތުކުރައްވާފައިވާ ގޮތުގައި، މުޢިއްޒަކީ އޭނާގެ އަރިސްކޮށް ގެންގުޅުއްވި ބޭފުޅެއް ނަމަވެސް، ރިޔާސީ އިންތިޚާބުގައި ކާމިޔާބީ ލިބުމާއެކު ރައީސް ޔާމީނުއަށް ދޯކާދެއްވީއެވެ. ގެންގުޅުނު ހުސްގޮނޑި ނަގާ ގުދަންކުރިއެވެ.

މި ދެ ބޭފުޅުންގެ މެދުގައި އޮތް ސިޔާސީ ވާދަވެރިކަން އިތުރަށް ހޫނުވެ، މިއަންނަ ބުރާސްފަތި ދުވަހުގެ ރޭ، ދެ ޕާޓީންވެސް ވާދަވެރި ޖަލްސާތަކެއް ބޭއްވުމަށް ވަނީ ހަމަޖެހިފައެވެ. މީގެ އިތުރުން ޕީއެންސީގެ އެކްޓިވިސްޓުން ވަނީ ރައީސް މުޢިއްޒުގެ އިރުޝާދުގެ މަތިން ޔާމީނު ހެންވޭރުކޮޅުގައި އަޅާފައިވާ ގެއަކީ އެމްއެމްޕީއާރުސީގެ ފައިސާއިން އަޅާފައި ހުރި ތަނެއްކަމަށް ސޯޝަލް މީޑިއާގައި ދަޢުވާކުރަމުންނެވެ. ރައީސް މުޢިއްޒު ވަނީ މި ފައިސާ ހޯދާނެކަމަށް ބުނެ ރައީސް ޔާމީނާ ދިމާލަށް ފާޑުކިޔާފައެވެ.

މި ޖަލްސާގައި ރައީސް ޔާމީނު މި ހުރިހާ ތުހުމަތުތަކަކަށް ރައްދު ދެއްވާނެކަމަށް ބެލެވެއެވެ. އަދި ރައީސް މުޢިއްޒަށް ނޫސްވެރިންނާ ބައްދަލް ކުރަން ނުކެރޭނެކަމަށް ބުނެވަނީ މަޖާޒީ ބަސްތަކުން ގޮންޖައްސަވާފައެވެ.