އީދު ސަލާމުގައި ބައިވެރިވި މީހުންގެ އަދަދު މަދުވުމުން ފަސްޓް ލޭޑީ ހިތްޕުޅާނުވެ، ބޮޑެތިވަޒީރުންނަށް ޑޯޒެއްދީފި!

މިއަދު ބޭއްވުނު އީދު ސަލާމުގައި ބައިވެރިވި މީހުންގެ އަދަދު މަދުވުމުން ފަސްޓް ލޭޑީ ޝަޖިދާ ކަންބޮޑުވެ، ބޮޑެތި ވަޒީރުންނަށް އިންޒާރު ދެއްވާފައިވާ ކަމަށް ގަނޑުވަރުގެ ބާންދީއެއް މި ނޫހަށް މަޢުލޫމާތު ދީފިއެވެ.

އީދު ސަލާމަށް އެތައް ދުވަހެއް ކުރިން އިޢުލާނުކޮށް، އިސްތިހާރު ކުރުމުންވެސް ގިނަ ބަޔަކު ރައީސް އޮފީހުގެ ގަނޑުވަރު ކައިރިއަށް އެއްނުވުމުން ފަސްޓް ލޭޑީ ހިތްޕުޅާ ނުވި ކަމަށް ބުނެވެއެވެ. ފަސްޓް ލޭޑީ ވިދާޅުވެފައިވަނީ "ހަމައެކަނި ސިޔާސީ މީހުންގެ ޢާއިލާތައް އައި ނަމަވެސް މިއަށްވުރެ އަދަދު މާ ގިނަވީހެވެ" ކަމަށެވެ.

މި ނޫހަށް ލިބިފައިވާ މަޢުލޫމާތުން އެނގޭ ގޮތުގައި، ގިނަ އެސްޕީޑީންނާއި ޕޮލިޓިކަލް ޑިރެކްޓަރުން ވަނީ ، އެ ފަރާތްތަކުގެ ޢާއިލާއާއެކު ޗުއްޓީ ހޭދަކުރުމަށް އެކި ތަންތަނަށް ދަތުރުކޮށްފައިވާ ކަމަށްވެސް ބުނެވެއެވެ.

ނަމަވެސް، މި ކަމުގެ އަސްލު ސަބަބަކީ ރައީސް ކައްޒާބުގެ ތާއީދު ނެތުމެވެ. އަދި ރައްޔިތުން ސަރުކާރުގެ "ދޮގު" ވަޢުދުތަކުން ފޫހިވެފައިވާ ކަމަށާއި، ރައީސްގެ އަމިއްލަ ޕާޓީގެ ސެނެޓު ގެއްލުމަކީވެސް ޔަޤީން ކަމެއް ކަމަށް ބައެއް ސިޔާސީ ދާއިރާގެ މާހިރުން ދެކެއެވެ.