ފާޅުގައި ދިވެހިންގެރާއްޖޭގައި ނަސާރާ ދީނަށް ގޮވާލުމުގެ މަގު ހުޅުވާލަދީފައި - ބަދަލުގައި އެމެރިކާއިން އަސްކަރީ އުޅަނދުތަކެއް ހޯދަނީ

ފާޅުގައި ދިވެހިރާއްޖޭގައި ނަސާރާ ދީނަށް ގޮވާލުމުގެ މަގު ހުޅުވާލުމަށް ފަހު، އެމެރިކާއިން އަސްކަރީ އުޅަނދު ހޯދުމުގެ ބަދަލެއްގެ ގޮތުން ކައްޒާބު ބުނެފައިވަނީ ނަސާރާ ދީނަށް ގޮވާލާ މީހުން ޖަލަށް ނުލާނެކަމަށާއި މާ ޕްރެޝަރ ބޮޑުވެއްޖެނަމަ އަލުން އަނބުރާ ފޮނުވާލާނީ ކަމަށްގު ޔަގީންކަންވަނީ އެވެރިންނަން ލިބިފައެވެ. ލާރި ހޯދަން ޑެސްޕަރޭޓުވެގެން، ފަލަސްތީނުގެ މުސްލިމުންގެ މަސްލަހަތު ގުރުބާންކުރި މީހަކު މިވަރުކަމެއް ކުރަން ފަސްޖެހިދާނެ ކަމަށް ދިވެހިން ގަބޫލެއް ނުކުރެއެވެ. 

މީގެ އެތައް ޒަމާނެއް ކުރިނ،ް ހާއްސަކޮށް ސުނާމީ ހާދިސާއާ ގުޅިގެނ،ް އެކިއެކި ފަރާތްތަކުން ރާއްޖެއަށް ހަދިޔާ ކުރާ ތަކެތީގެ ތެރޭގައި ނަސާރާ ދީނަށް ގޮވާލާ ފޮތް ފަދަ ތަކެތި ހުންނަ މައްސަލަ އެންމެ ކުރިއްސުރެވެސް ދިވެހި ސަރުކާރުތަކުން އަންނަނީ ވަރަށް ސީރިއަސްކޮށް ބަލަމުންނެވ.ެ މިކަމާ ގުޅިގެން އަޅާ ހަރުކަށި ފިޔަވަޅުތަކާ ގުޅިގެން މިގޮތަށް ރާއްޖެ އައިސް ނަސާރާ ދީނަށް ގޮވާލުމަކީ މިއިން ޒަމާނަކު ރާއްޖޭގައި ހިނގާފައިވާ ކަމެއް ނޫނެވެ.

ނަމަވެސް ސަލަފު ކައްޒާބުގެ ވެރިކަމުގައި ބާތިލު ދީންތަކަށް ގޮވާލުމުގެ ފުރުސަތު މިވަނީ އަނެއްކާ ހުޅުވާލާފައެވ.ެ މާތްވެގެންވާ ރަމަޟާން މަހުގެ ތެރޭގައި ފާޅުގައި ނަސާރާ މިޝަނަރީއިން މިވަނީ ނަސާރާ ދީނުގެ ތަކެތި ދިވެހި ބަހުން ލިޔެ ބަހާފައެވ.ެ މީގެ ކުރީ ވެރިކަންތަކުގައި ކުރިންވެސް ބުނިހެން މިފަދަ ކަންކަން ކޮށްފައިވަނީ ސިއްރުން ކާކުކަން ނޭނގޭ ގޮތަށެވ.ެ ނަމަވެސް މި ވެރިކަމުގައި މި ފަރާތްތަކާ ދެކޮޅަށް ފިޔަވަޅެއް ނާޅާނެ ކަމުގެ ޔަގީންކަމާއެކު މިކަން މިވަނީ ރޯމާދުވާލު ކުރަން ފަށާފައެވެ. 

މިނޫހަށް އެތެރެއިން މައުލޫމާތު ލިބިފައިވާ ގޮތުގައި އެމެރިކާ ސެކަންޑް ސްޓޭޓް ސެކްރެޓަރީ ރާއްޖެ އައިސް ކުރި މަޝްވަރާތަކަކީ އިޒްރޭލު ޕާސްޕޯޓު މަނާކޮށްގެން ނުވާނެ ކަމަށާއި ނަސާރާ ދީން ފެތުރުމުގެ ފުރުސަތު ރާއްޖޭގައި އޮންނަން ވާނެ ކަމަށެވ.ެ ބަދަލެއްގެ ގޮތުން ކައްޒާބު އެދުނީ އޭނާގެ ސަރުކާރަށް އެމެރިކާއިން ފާޑު ނުކިޔުމަށާއި އަދި އަސްކަރީ އުޅަނދުތައްކެ ދިނުމަށެވ.ެ އަދި ސަލަފު ކައްޒާބު ދީފައިވާ ޔަގީންކަމަކީ މިފަދަ ކަމެއް ކޮށްގެން އާންމުންގެ ޕްރެޝަރ ބޮޑުވިޔަސް ފިޔަވަޅެއް ނާޅާނެކަމަށާއ،ި ނަސާރާ ދީން ފަތުރާ މީހުނަށް އެމެރިކާ ޓިކެޓް ދީފައި ފޮނުވާލަދޭނެ ކަމަށެވެ. 

މިގޮތުން މަޖިލީހުން ފާސްކުރި ނަމަވެސް އިޒްރޭލް ޕާސްޕޯޓު މަނާ ނުކޮށް ކައްޒާބު މިވަނީ ހިފަހައްޓާފައެވ.ެ އަދި ނަސާރާ ދީން ފެތުރުމަށް ފާޅުގައި މިވަނީ ހުޅުވާލާފައެވ.ެ މިކަން ކުރި ފަރާތްތައް ރަސްމީ އިއްޒަތުގައި ފުލުހުން ގެންގޮސްފައިވަނީ އާންމު ރައްޔިތުން އެއްވެ ހޯބޯލަވަން ފެށުމުން އެ ފަރާތްތަކުގެ ހިމާޔަތުގައެވ.ެ އަދި އެއްވެސް ތަހުގީގެއް ދައުވާއެއް ކުރުމެއްނެތި އެ ފަރާތްތައް އެމެރިކާއަށް ފޮނުވާލަދޭން މިހާރު ނިންމާފައިވާ ކަމަށް މައުލޫމާތު ލިބެއެވ.ެ ކައްޒާބުއާއި ސާޖިދާ ކުރާ ކޮންމެ ކަމަކަށް ހަލާލު ހުކުމު ގެ ފަތުވާ ނެރެމުންދާ ސަލަފުން މިކަން އަދި ފެންނަ ކަމަކަށް ނުވެއެވ.ެ އަނެއްކާ މިއީވެސް ހަލާލު ކަމަކަށް ވުމުގެ ފުރުސަތު ވަރަށް ބޮޑެވެ.